قراء بلـــــــدنا ..

لكل الاعزاء اللي راسلوني ويسئلون عن تأخر كتاباتي ..اقولهم اولا :

شكرا حبايبي على المتابعة وترقب الجديد ..

ثانيا : صدقوني تواصلكم معاي اسعدني جدا وزادني حماس ومثابره على الاستمرار ..

سلاماتكم وارائكم اقتراحاتكم كلها محل تثمين وتقدير عندي ..وانا حاضره اعبر عنكم بقلمي وكيبوردي ..الساعه المباركة والله :)

متابعي بلـــدنا ..تدرون ان سوسو عجوز وصحتها على قدها ...والدنيا اشغال وتلاهي وكلن في حالة لاهي ...واللي زاد الطين بلة اني هاليومين بلا خدامه ..يعني صايره ربة بيت من الدرجة الاولى ومكروفة كراف :( 

 ..لكن اوعدكم في اقرب فرصة ابث همومي لكم واغثكم بجديدي :)

رمضان له جوه مابين تعبد ووقت الاسره والعيال هذا غير اعباء الشغل فاعذروني حبتين..

لو ادري توقفي هالكم يوم بيخليني اعرف اشكثر يتابعون بلدنا جان من زمان توقفت ..بس يلا ..ماعلينا ..الدنيا كلها وقفات وعساها كلها وقفات خير ..

خلكم دايما على تواصل معاي ..وكونو لي المحفز ..واللي عنده شي في خاطرة يبي اساعده في بثة يرسلة وانا حاضره ...

وتحياتي للجميع.. :)